கோவையில் அமைச்சர் அன்பில் மகேஷ் தலைமையில் இன்றும் நாளையும் ஆய்வுக்கூட்டம்!
- by David
- Dec 16,2024
தமிழக அரசின் பள்ளி கல்வித்துறை சார்பில் நடைபெற்றுவரும் மாதாந்திர ஆய்வுக்கூட்டம் கோவையில் டிசம்பர் 16,17 ஆகிய தேதிகளில் நடைபெறுகிறது.
இந்த கூட்டத்தில் பள்ளி கல்வித்துறை அமைச்சர் அன்பில் மகேஷ் பொய்யாமொழி, செயலர் மதுமதி, இயக்குனர் கண்ணப்பன், தொடக்க கல்வி இயக்குனர் நரேஷ் உள்ளிட்ட துறை சார்ந்த இயக்குனர்கள், முதன்மை கல்வி அதிகாரிகள் பங்கேற்கின்றனர்.
தமிழக பள்ளி கல்வித்துறையில் செயல்படுத்தப்பட்டு வரும் நலத்திட்டங்கள் மற்றும் இதர பணிகளை கண்காணிப்பதற்காக இந்த அலுவல் ஆய்வுக்கூட்டம் நடத்தப்பட்டு வருகிறது. இதில் துறை சார்ந்த செயல்பாடுகள் தொடர்பாக விவாதிக்கப்பட்டு அடுத்தக்கட்ட பணிகள் மேற்கொள்ளப்படுகின்றன.
கோவையில் நடைபெறும் இக்கூட்டத்தில் 10, 11 மற்றும் +2 பொதுத்தேர்வுக்கான முன்னேற்பாடுகள், +2 மாணவர்களுக்கு உயர்கல்வி வழிகாட்டுதல் உள்ளிட்ட பல்வேறு விஷயங்கள் குறித்து விவாதிக்கப்பட உள்ளது.
