ஈரோடு கிழக்கு தொகுதி இடைத்தேர்தலில் தங்களுக்கு பாஜக ஆதரவளிக்க வேண்டும் என ஓ.பன்னீர் செல்வம் தமிழ்நாடு பாஜக தலைவர் அண்ணாமலையை சந்தித்து கேட்டிருந்த நிலையில் தற்போது அதிமுக இடைக்கால பொதுச்செயலாளர் எடப்பாடி பழனிசாமியை பாஜக மேலிட பொறுப்பாளர் சி.டி.ரவி மற்றும் அண்ணாமலை சந்தித்து பேசியுள்ளனர். 

சென்னை கிரீன்வேஸ்சாலையில் உள்ள எடப்பாடி பழனிசாமியின் வீட்டிற்கு இன்று சென்ற அண்ணாமலை அவரை சந்தித்து பூங்கொத்து கொடுத்து வாழ்த்து தெரிவித்தார்.

நேற்று டெல்லி சென்று திரும்பிய பின் அண்ணாமலை எடப்பாடி பழனிசாமி சந்தித்துள்ளது பாஜகவின் ஆதரவு எடப்படிக்கு தான் என்று பரபரப்பை ஏற்படுத்தியுள்ளது.

ஆனால் இன்னும் என்ன நிலைப்பாடு என பாஜக அறிவிக்கவில்லை. இது இன்று தெரிவிக்கப்படும் என்று எதிர்பார்க்கப்படுகிறது.