மதுரை, திருச்சி, தென்காசி, தேனி, திண்டுக்கல், நெல்லை, நாகர்கோவில் பகுதிகளுக்கு கோவை சிங்காநல்லூர் பேருந்து நிலையத்தில் இருந்தும்; சேலம், ஈரோடு, திருப்பூர் ஆகிய பகுதிகளுக்கு காந்திபுரம் மத்திய பேருந்து நிலையத்தில் இருந்தும் பேருந்துகள் இயக்கப்பட்டு வருகின்றன.

ஆயுத பூஜை - தசரா பண்டிகை முன்னிட்டு தொடர் விடுமுறை வருவதால் இன்று முதல் 11 ஆம் தேதி வரை 3 நாட்களுக்கு கோவையில் இருந்து சிறப்பு பேருந்துகளை இயக்க அரசு போக்குவரத்து கழகம் முடிவு செய்துள்ளது. அதன்படி சிங்காநல்லூர் பேருந்து நிலையத்தில் இருந்து மதுரை, தேனி திருச்சி உள்ளிட்ட மாவட்டங்களுக்கு கூடுதலாக 100 பேருந்துகள் இயக்கப்பட உள்ளன. காந்திபுரம் பேருந்து நிலையத்தில் இருந்து கூடுதலாக 40 பேருந்துகள் சேலம் உள்ளிட்ட பகுதிகளுக்கு இயக்கப்பட உள்ளன.